The Body Shop Vitamin E Aqua Boost Sorbet | مرطب بودي شوب فيتامين اي من ذا بودي شوب ..
The Body Shop Vitamin E Aqua Boost Sorbet
مساء الخير| صباح النور والسعاده ..
اتمنى تكون كلكم بخير مع رمضان ..
اليوم البوست عن المرطب الوجه فيتامين اي {اكوا بوست سوربيه}
أول شي لازم تعرفونه اهو شنو الاكوا بوست سوربيه...
السوربيه نوع من انواع الايس كريم المثلج بس انه اخف من العادي يعني مصنوع من سوائل اكثر.
مميزاتها :
مكتوب انه خالي من اللمعان ويرطب البشرة 24 ساعه ومرطب لتبريد الوجه ..
طبعا الفرق بين الكريم وسوربيه
الكريم : مناسب لشتاء يغذي البشره ويرطب اكثر ..
سوربيه : مناسب لصيف لانه بارد وخفيف على البشره ..
تجربتي :
أنا بشرتي مختلطه الى دهنيه حبيته لان احس بشرتي بارده و يعطيني منظر البشره الصحيه ..
اهو عباره عن جل بارد أول ما احطه بشرتي تتقرص شوي بس وبعدين عادي جربوا تخلونه بالثلاجه بعدين حطوا على بشرتكم ببرد على بشرتكم ..
اهو يتكون من زبده الشيا وزيت الصويا ويتكون من جزئيات من الماء عشان كذا يخلي البشره منظره ديوي ..
مكتوب تدليك الرقبه والوجه من الاسفل الى الاعلى بس للاسف لم تبدئي تدلكي او تفركي يطلع معك قشور بيضاء وهالشي ما عجبني ابدا بس ممكن وأنتي تدهني وجهك سوي تدليك خفيف معاه ولما تحسين بدأت بشرتك تمتصه و يجف شوي وقفي لانو بيبدأ يطلع القشور البيضاء ..
حبيت ان بشرتك 24 ساعه تكون مترطبه وفيه رطوبه حلوه وحتى لم اتوضاه احس وجهي يكون رطب ..
ريحته ابدا مو مزعجه بالعكس حلوه كان زهور على بودر أطفال ..
السعر :٧٩ ريال
اشتريه مره ثانيه : هذي العلبه رقم 2 اتوقع ما اشتريه مره ثالثه لان احس ودي اجرب شي جديد على إن ترطيبه كويس ..
وبكذا انتهيت من البوست ..
فمان الله ..
About the Author
0 التعليقات