MAKE-UP REMOVER | مزيلات المكياج ..

By 6:05 ص ,





MAKE-UP REMOVER | مزيلات المكياج ..





مساء الخير | صباح النور ..

 اتمنى كلكم بخير وبالصحة بعد الاجازه الجميلة ..
وطبعا نرجع لتدوين والروتين ..

 اليوم نتكلم عن مزيلات المكياج الموجوده بالسوبر ماركت و من بودي شوب ..
 أول منتج مزيل المكياج من غارنيه مائي بديل لمزيل المكياج الشهير من بايوديرما وطبعا السعر يفرق ..

لي تقريبا سنه وأنا ادور عليه وفقدت الامل أني القاه يوم كنت بالدنواب برمضان وشفته وحمدالله طلع يستأهل ..


تجربتي :

مناسب لبشره الحساسه  خالي من  العطور  ما تحسست بشرتي منه ، خفيف على بشره ، ينظف المكياج تقريبا حتى المسكره بس لازم أكثر من مره ، حبيته وأكيد برجع اشتريه بعد 

السعر : ٥٩ ريال  اتوقع ،العلبه كبيره ويتسأهل لان بديل لبايوديرما ..


الحين نجي لمزيلات العيون والشفاه ..

نبدأ بالأفضل 

مزيل مكياج العين و الماسكارا ضدا المويه والشفاه بزيت البابونج من ذا بودي شوب 


تجربتي:

طبعا اهو عباره عن زيت بابونج وماء رجي العلبه عشان يتجانس ..
أنا أجيب قطنه مربعه واحطه فيها كميه وبعدين اتركها على عين دقيقه واشيله يزيل المكياج العين واجلس امسح المسكارا بعد حلو يزيل بسرعه بس مشكله الوحيده ان اذا دخل داخل العين تحمر شوي اهو مكتوب مناسب للعين الحساسه والعدسات اللاصقه  والشفاه بعد زين جربته معه روج مات يزيله ..

 السعر :59 ريال من ذا بودي شوب 
مزيل مكياج العينين من غارنيه 
تجربتي :

 نفس الطريقه اجيب قطن مربع أنا شخصيا آفضل القطن المربع حق العين ..

 طبعا غارنيه هذا مره حابته عاجبني جدا يزيل المكياج والمسكارا لازم اكثر من مره عندي زيت البابونج يزيل المسكارا اسرع من غارنيه ..
حبيت ان يدخل داخل العين وماتصير حمراء او تحسس مكتوب انه يحمي الرموش وبعد يكثف يمكن يحمي الرموش بس كثافه ماشفت نتيجه ..
انا عجبني يزيل المكياج ومناسب للعيون الحساسه ..

 السعر : اتوقع ٢٩ ريال انا اخذت من الكويت من جمعيه ب دينارين ..

مزيل مكياج العيون من نيفيا 

 تجربتي: 

 يزيل المكياج بسرعه جدا ويترك العين فيه زيت بس في مشكله انا ما عجبني لان بشرتي دهنيه واهو زيت حيل لم استخدامها ثاني يوم تطلع لي حبه عشان الزيت الي فيه من كثر الزيت لم يدخل داخل العين احس جذي نفس ضباب ..

 مستحيل ارجع اشتريه مره ثانيه عشان ما ناسب بشرتي ابدا ..
وبالنهايه هذي تجربتي مع مزيلات المكياج اتمنى تستفيدوا ..
اختكم : شهرزآد

,

About the Author

Lorem ipsum dolor sit amet, cotur acing elit. Ut euis eget dolor sit amet congue. Ut vira codo matis. Sed lacia luctus magna ut sodales lorem.

You Might Also Like

3 التعليقات

  1. Unknown20 أغسطس 2015 في 1:09 م

    شكرا افدتيني ❤️

    ردحذف
    الردود
    1. Unknown21 أغسطس 2015 في 6:33 م

      شكرا لك واتمنـى اكون دايم افديك ..

      حذف
  2. rana30 مارس 2017 في 10:07 ص

    شركة تنظيف فلل بتبوكان معظمنا يشتكى من شركات النظافة وانها لاتهتم باداء الاعمال بدقة والتزام ويشتكون دائما وباستمرار من اداء تلك الشركات السئ وانهم لم يجدوا حتى الان شركة تنظيف ملتزمة بالمواعيد وتقوم بانهاء العمل على اكمل وجة ولذلك فنحن وجدنا لكم وذلك بعد بحث طويل شركة تنظيف بتبوك فتلك الشركة تعتبر الرائدة فى مجال النظافة حيث انها لديها فريق عمل مدرب على اعلى مستوى وجميع معدات واجهزة الشركة حديثة فهى تستخدم تقنيات عاليةاثناء عملية التنظيف بالاضافة الا ان منظفات ومطهرات الشركة صناعة المانية وامريكية ولذلك فهى تعد من اوائل الشركات بالمملكة العربية السعودية وعن تجارب سابقة
    للتواصل مع الشركة
    جوال رقم 0558973863

    ردحذف