فاندويشن ديورنود اير |Dior Diorskin Nude Air Healthy Glow Ultra-Fluid Serum Foundation
مساء الخير | صباح الخير والسعاده ..
شلونكم مع البرد أنا تجمدت ..
اليوم تدوينه عن فاندويشن ديور نود اير
طبعا هذا فاندويشن سيروم يكون خفيف أو سائل اكثر ..
يعطيك منظر طبيعي أكثر ..
فيه حمايه من الشمس 25 SPF
من مكوناته زيت التوت البري و الفيتامينات و المعادن ..
تجربتي :
سائل جدا لازم أحطه على إيدي ثم أجيب الفرشه وأمده على وجهي وبعدين بالبيوتي بلندر أطبطب ..
حبيته استخدام بالصباح أو مناسبات العاديه يعطيني منظر وجهي صحي وخفيف ..
في حمايه من الشمس حبيته بس لازم استخدام واقي معه عشان قليل 25 لازم فوق 50 ...
تقريبا يجلس 5 ساعات ما يتغير ثم يختفي لان خفيف بدون برايمر ..
تغطيه من خفيف الى متوسط ما يغطي الحبوب لازم أحط كونسلير على حبه ثم أحط فاندويشن ..
أنا أشوف يناسب الي بشرتهم ما فيها حبوب كبيره أو حب شباب ...
أنا جربته مع البيوتي بلندر عادي
فرشه ريل تكنيك فاشل جدا
إسفنجة ريل تكنيك جميله أجمل شي ..
في عيوب طبعا أول شي العلبه صح الشكل حلو بس سائل مره و القطاره بعض مرات توصخك ..
و الدرجات شويه يعني ممكن ما تطلع درجتك بالضبط ..
السعر : أنا طلبته من موقع نودستروم كان 53 دولار
أتمنى استفتدوا مني
أختكم شهرزاد
About the Author
0 التعليقات