أمنيات سنة 2016 | Wish 2016
By Unknown 12:11 م
مساء الخير | صباح الخير
خلصنا سنه من عمرنا اتمنى تكون سنه حلو لكم وإن شاء الله السنه هذي أجمل بكثير وتحققت كل أحلامك ...
هذا البوست بيكون بعيد شوي من البيوتي والفاشن ..
أنتم من الناس الي تكتبون شنو مخططاتكم لسنه جديده ولا ما تحبون تكتبون ولا تفكرون..
جربوا دايم تكتبون كل شي حتى مشترياتك مثلا سوي مشتريات سنه 2016 أنا سنه 2014 كتبت مشترياتي وصراحه نصهم اشتريتهم مدري إذا هذا قانون الجذب بس ممكن ..
وشي ثاني سمعت بلوجر أمير تقوله جربوا تكتبوا أخطائكم سنه الي راحت عشان ماتتكرار معك
أنا كتبت سنه 2015 كنت كسوله الصراحه الكسل والنوم كانوا أول عدوء لي
خاصه لم يكون بالك أشياء كثيره وما تسويه بسبب الكسل ..
جربوا تكتبوا رسالة لكم وافتحوها بعد سنه شوفي تغيرت ولا باقي ..
هالسنه كانت في إيجابيات تعلم كثير من أشياء بحياتي ..
أنا من الناس الي أتامل جدا مثلا أشوف طريقة الناس بتربيتهم للأطفال موضوع الاطفال طويل جدا لازم اكتب بوست عنه قريب بينزل ...
وأعرف إذا خطاء ولا وأفكر شنو ممكن يصير وحمدالله استفيد جدا جربوا تكون تتأملوا الناس وأستفيدوا منهم ..
ولا تفكري تنصحي أحد على طريقته لان الناس مو الكل يقبل ...
السنه الي راحت لاحظت البنات نظرتهم فقط ايش لابسه غالي ولا
أنا بالجامعه وللاسف ينظرونك من فوق الى تحت ايش لابسه
للاسف نهتم بالخارج والداخل لا
ويكون واضح جدا لم تجي تسولف معي بنت ايش تفكيرها ..
هالسنه بحاول اجمع بين غالي ورخيص مو لازم كل غالي حلو
في رخيص ويكون حلو اتذكر شفت مسلسل كوري عن الازياء
كانوا مسوين مسابقه يطلعون موضه من الاسواق الشعبيه ماقالوا لا بالعكس طالعوا ملابس حلو
أنا أشوف الملابس أناقه مو السعر ..
وحتى جربت أن ما تدخل بحياة الاخرين يعني مثلا لابسه عباية بيضاء مولازم اتكلم أو أناظر لانه هالشي بينها وبين ربي متحجبه أو مو متحجبه شي بين البنت وربي فقط..
وراح تشوفي شلون تتغير حياتك لم تفكرين أن كل واحد حر بحياته حياتك لك مو لناس ..
تكلمت كثير بالبوست يارب ما طولت عليكم ..
أتمنى سنه 2016 تكون أفضل لكم ولي ويحقق امنياتكم ..
أختكم : شهرزآد
